Netanyahu, beriya civîna hikûmetê, di daxuyaniyeke xwe de got: “Serkeftinên me yên li dijî Hizbullahê li Lubnanê, derfetên ku beriya operasyonên me yên dawî ku nedihatin xeyalkirin jî afirandin. Dibetiya aştiyê bi cînarên me yên bakur re heye."

Serokwezîrê Îsraîlê wisa got: "Têkiliyên me bi Sûriyê re berdewam in, pêşveçûn hene, lê ev yek tiştekî ne wisa ye ku zû bi zû pêk were." Li gorî gelek çavkaniyan, di van rojên dawî de Sûrî û Îsraîl dikarin di demeke nêzîk de ji bo kêmkirina aloziyên li ser sînorên bêîstîqrar peymaneke ewlehiyê îmze bikin. Hefteya borî, çavkaniyek nêzî Serokomarê demkî yê Şamê, Ehmed el-Şara, ji 24NEWS re ragihandibû ku di du heftiyên dawî de di rêya îmzekirina peymaneke ewlehiyê di navbera Îsraîl û Sûriyê de "pêşveçûnên pir girîng" hatine bidestxistin.

Heman çavkaniyê diyar kir ku civîneke sêalî ya Îsraîl-Sûrî-DY jî pêkan e. Çavkaniyên dîplomatîk ên sûrî jî ragihandin ku roja duşemê li paytexta Azerbaycanê, Bakuyê, civîneke Îsraîl-Sûriyê dê were lidarxistin.